I 1999 opna den nye kraftstasjonen på Flørli ved Lysebotn i Ryfylke, langt inne i fjellet. Den gamle kraftstasjonen og trappene ligg no opne for nye aktivitetar. Ei vandreløype vil ta deg rundt på området: 700 trinn (av 4444) av trappa, ny merka sti over til øvste del av bygda og tilbake til strandkanten. Du kan vandra i den gamle krafthallbygninga med kulturhistoriske utstillingar. På sommartid er det kafe og kunstutstilling.

Gjennom mange år har kraftstasjonen i Flørli spela ei viktig rolle for straumforsyninga til Stavanger. Kraftutbygging på 1920-talet skapte det vesle Flørli-samfunnet som klorar seg fast i brattlendt terreng ved sjøkanten.Kraftverkutbygget er godt synleg. Elles finst det bustader for tilsette ved kraftverket.

Flørli er den inste garden på sørsida av Lysefjorden når vi ser ser bort frå gardane i fjordbotn. Sag og sagbruk i Flørliånå la grunnlag for gardsdrift og busetjing. I 1708 gjekk det eit stort steinskred i Flørli, og garden blei liggjande øyde i mest 100 år. Så blei garden driven på ny. Gardsdrifta slutta då vasskraftutbygginga kom i gang i 1915-20 åra og skapte eit nytt samfunn i Flørli.

No bur det ein person heile året i Flørli.

Stavanger Turistforening har merka løype frå Flørli til Langavatn, fottur på 21 kilometer.

Ein kjem til Flørli med ferje eller kombibåt.
Sesong : Sommer


I 2012 blei det laga ny brygge for småbåtar.

Flørlitrappa, Lysefjorden i Ryfylke er nemnt i internasjonal liste over 11 interessante trappar å prøva rundt i verda.