Naturen bryr seg ikkje - gjer du?
 
Norsk Sjøfuglsenter på Værlandet i Askvoll opna dørene for første gong 15. juni 2012.
I den gamle båtverkstaden i Værøyhamna har vi laga ei moderne digital utstilling basert på  interaktivitet og informasjon om sjøfuglen sin tilstand langs Vestlandskysten.
 
Designfirmaet Gagarin frå Reykjavik har designa og produsert utstillinga med basis i ein grunleggande idè om at naturen greier seg godt utan menneske, men ikkje omvendt. Utstillinga inviterer til undring og refleksjon framfor moralisering og kategoriske konklusjonar.
 
Dette har vorte eit slags sjøfuglens Vil Vite-senter med nokre ekstra stasjonar som knyter naturen si utvikling saman med folket og staden.
 
Utstillinga er open alle dagar i sesongen (midten av juni til midten av august) mellom 10.30 og 18.00. For grupper og besøk utanom opningstidene, kan avtalar gjerast på tlf. 957 78 071.