Suldal Turiskontor ligg i kommunesenteret Sand i Suldal kommune i Ryfylke. 

Suldal er med sine 1728 km2 den største kommunen i Ryfylke i Rogaland, og har om lag 4 000 innbyggjarar.

Kommunen er rik på natur -fjell, fjord, elv, dal, skog og vatn - og har eit stort utval av attraksjonar, aktivitetar, overnattings- og serveringsstadar for ein kvar smak heile året.

Blant attraksjonane i Suldal finn du Laksestudio, strandstaden Jelsa og Ryfylkemuseet. Sistnemde har fleire anlegg rundt om i kommunen. I fjellområda i Suldal er det eit godt utbygd turløypenett, både i låglandet og i høgfjellet, sommar som vinter.

For den som er glad i å fiske er Suldal eit eldorado. Her er det mogeleg å fiske i både sjø, elv og ferskvatn. I tillegg kan Suldal by på mange friske aktivitetar, m.a. laksesafari og elveekspedisjon. I laksesafarien kler ein seg i overlevingsdrakt og flyt nedover elva. Elveekspedisjonen er ein spanande flåteferd ner Suldalslågen.

Ryfylkedagane er eit årleg arrangement på Sand i juni, med mykje liv og mange ulike aktivitetar i sentrum.

Opningstidar:
Sept-mai, man-fre 08.30-15.30; Næringsparken, Sandsv. 134. Juni-aug, åpent alle dager; Nesasjøhuset, Nordenden 14.

Velkommen til Skattkammeret Suldal!