Hotell

Om du ynskjer å ha det komfortabelt, og kanskje litt luksuriøst når du er på ferie, finst det i vårt område totalt åtte hotell. Dei har alle sitt eige særpreg.

Hotel Union er eit familiedrive hotell, som har opna ei heilt ny SPA-avdeling. Elles kan Villa Norangdal tilby nyoppussa rom med design frå ulike tiår.

Det nyaste tilbodet på hotellfronten er Juvet Landskapshotell ved Gudbrandsjuvet i Valldal, der eitt og eitt rom er plassert midt ute i naturen.

Campingplassar, hytter og vandrarheim

Anten du har med deg telt, vil bu i ein enkel campinghytte, eller boltre deg i ei stor og velutstyrt utleigehytte, finn du alt her hjå oss. Hyttene kan leigast både for kortare og lengre periodar, og ofte er båt tilgjengeleg.

Om du helst vil bu heilt nede ved fjorden er Geirangerfjorden Feriesenter eit fint alternativ. Eller kanskje Solvang Camping ved det idylliske Eidsvatnet, eller nye utleigehytter på Omenås i Valldal er din drøymeferiestad?

Om du ynskjer å bu billeg og likar kome i kontakt med folk frå heile verda, er vandrarheimen på Hellesylt den rette staden for deg.

I fjellet kan du overnatte i ei av dei mange hyttene til Ålesund-Sunnmøre Turistforening, nokre av dei er betente, andre ubetente.