Blå isbrear

I Nordfjord heng glitrande brear ned i dei trange dalane som stivna fossar. Med 487 km2 er Jostedalsbreen den største isbreen på det europeiske fastlandet. Dei mest kjende brearmane i Nordfjord er Briksdalsbreen og Kjenndalsbreen. På Jostedalsbreen Nasjonalparksenter kan du lære meir om landskapet rundt breen.

Fjord og hav

I følgje National Geographic Magazine er dei norske fjordane det beste reisemålet i verda.
Du kan oppleve fjorden på nært hald i ein båt, eller frå stranda, eller frå utsiktspunkt og fjelltoppar. Køyr Panoramavegen utover til kysten.

Den beste staden for å oppleve havet er Vestkapplatået – Norges vestlegaste punkt på fastlandet. Fyra tilbyr også ei fantastisk utsikt over havet.

Innsjøar og fossar

Jostedalsbreen set farge på vatn og elvar – ein unik grønfarge som du kun finn nær breen. Nordfjord har også Europa sin djupaste innsjø, Hornindalsvatnet. Frå fjella som omkransar vatna renn fossane som kvite slør.

Der fjorden møter havet

Kysten av Nordfjord er rik på opplevingar. Besøk Kråkenes fyr , og opplev havet på nært hald. Stå på Vestkapp-platået, og nyt den fantastiske panoramautsikta. Besøk gamle handelsstasjonar, fasinerande øyer, eller gå berrføtt på dei kvite sandstrendene. På øya Selja kan du besøke Selje Kloster frå det tiande århundre.