Frukt

For mange av dei som besøkjer Hardanger er fruktblomstringa om våren hovudattraksjonen, medan andre kjem til området når frukttrea bognar av morellar, eple, pærer og plommer.

Besøkjer du ein av fruktgardane i Lofthus eller Ulvik kan du saman med familien din nyte nasjonalromantikk frå beste plass. Dei mange små bygdene der fruktdyrking er hovudnæring har inspirert kreative sjeler gjennom fleire hundre år.

Hardangerfjorden

Ta ein båttur på Hardangerfjorden og legge til ved ein av dei mange flotte bygdene. Kjenn spenninga når du passerer gjennom det tronge Fyksesundet på veg til Botnen, ein av opphavsstadane til den tradisjonelle Hardingfela.

Hardangervidda

Fjellplatået Hardangervidda er eit av dei største i Europa. Her er det eit mangfald av godt merka løyper både for fotturar, sykling og ski.

Fossefall

I Hardanger er det mange vakre fossefall som er verdt eit besøk. Gode eksempel er Låtefoss, Steinsdalsfossen og Vøringsfossen.

Isbre

Isbreen Folgefonna er den tredje største fastlandsbreen i Noreg. På breen er isklatring og brevandring populære aktivitetar. Folgefonna Sommarskisenter ligg på Folgefonna og her har du mogelegheit både til turskigåing, alpint og snowboard. Frå løypene er det ei fantastisk utsikt over fjorden og fjella.

Hardangerjøkulen er den sjuande største breen i Noreg. Utsikta frå breen gjer deg eit fantastisk overblikk over Hardangervidda og landskapet kring.

Av sikkerheitsmessige årsaker bør du vere med autoriserte breførarar dersom du ynskjer ein tur på breen. Hugs å ta med varme klede, hovudplagg, passande skotøy, hanskar og solbriller.