Her finn du  tilbod om fotturar, sykkelturar, brevandring, kajakkturer, golf, fiske og fjordsafari.

Vandring

Sognefjorden er eit flott turområde heile året, men juli, august og september er dei beste månadane for fotturar i høgfjellet.

Jotunheimen nasjonalpark, Jostedalsbreen nasjonalpark, Aurlandsdalen, Breheimen, Utladalen, Molden, Lærdal Historisk Rute og Stølsheimen er særleg kjende og populære vandreområde. Flotte fotturar er det og i Balestrand, Leikanger og Sogndal. Turkart får du kjøpt hjå dei lokale turistkontora.

Brevandring

Å vere med på breturar opp på Jostedalsbreen er ei fantastisk oppleving. I Luster kan du vera med på alt frå familieturar til meir krevjande turar på Nigardsbreen i Jostedalen.

I Fjærland er breturane middels til vanskelege. Begge stader er det dyktige og internasjonalt godkjende breførarar.

Jostedalsbrebussen er en dagleg buss som går tur/retur Sogndal - Nigardsbreen, med korrespondanse frå og til alle Sognefjord-destinasjonane i sommarsesongen. 

Kajakkturar på fjord og brevatn

Å padla kajakk langs bratte fjellsider og store fossar, eller mellom isfjell og grøne brevatn gjev heilt unike naturopplevingar. Det er mange kajakkselskap som tilbyr spennande turar.

Fiske ved Sognefjorden

Ved Sognefjorden er det fleire hundre gode fiskevatn, og fjellauren du får er rekna for å vere ei delikatesse.  Det er også 15 lakseelvar ved Sognefjorden. Fiskekort og informasjon i turistinformasjonane.

Sykling

Sjølv om Sognefjorden er dominert av dramatisk natur med bratte fjell, finn du mange og flotte mulegheiter for sykkelturar i dette området. Fleire stader kan du sykla på historiske vegar, og du kan ta ferje eller båt for å komma utanom dei nye tunnelane.

Mest kjent er Rallarvegen – ein 80 km lang sykkelrute der du syklar frå fjell til fjord langs Bergensbanen og Flåmsbana. Også i Luster og Lærdal er det skilta sykkelruter.