Størst er Sogningen Storsenter med 45 butikkar og tre kafear, men det finst sjølvsagt shoppingmuligheiter i alle dei åtte kommunane langs Sognefjorden.

Kunst og handverk

Er du på jakt etter handlaga ting, kunst og suvenirar skal du vite at det finst fleire spesielle galleri og utsal i Sogn.

Her kan du handle hjå slike som velrenommerte Galleri Walaker, skofabrikken i Aurland, strikkedesignbutikkar, vevstover, gullsmedbutikkar, husflidsbutikkar og mange fleire. Flotte suvenirutsal finn ein også ofte hjå både hotell, turistinformasjonar og andre.

Mat og drikke

Fleire stader sel daglegvarebutikkane lokalprodusert mat og drikke, t.d. geitost frå Undredal og Lustramat, som er å finne på eigne hyller i butikkane.

Vinmonopol finn du i Sogndal, Årdal og Gaupne, og øl vert selt på daglegvarebutikkane dei fleste stader i Sognefjordområdet.