Opplevingsovernatting

Overnattingsbedriftene ved Sognefjorden har ein fleire hundre år gammal tradisjon som vertskap for både rike og fattige eventyrarar, så her ventar eit stort mangfald av eksotiske overnattingsopplevingar, uavhengig av kva type overnatting du føretrekkjer.

Å sove i lekre, historiske rom og ete kortreist gourmetmat er i seg sjølv ei oppleving, men fleire stader går vertskapet endå lenger for å gjere opphaldet til ei unik oppleving for deg.

Kva med å bli med vertskapet på sykkeltur eller fjelltur, sove i telt i frukthagen, plukke bringebær til dessert, mate lam med tåteflaske, bli varta opp i badestampen utandørs eller synge med når verten spelar piano til deg?

Hotell og rom med frukost

Dei mest kjende hotella i Sognefjordområdet er dei historiske og romantiske hotella, som Kviknes i Balestrand, Walaker i Solvorn, Fretheim i Flåm, Mundal i Fjærland og Turtagrø i Jotunheimen.

I tillegg finn du mange andre heimekoselege hotell, høgfjellshotell, pensjonat, vandrarheimar, fjellstover, gjestehus og betente DNT-hytter mm. På Fanaråken finn du den høgstliggande turisthytta i Noreg, der du søv 2068 meter over havet!

Camping, hytter, feriehus og leilegheiter

Sognefjord er også spesielt kjent for å ha svært mange hytter, sjøbuer, leilegheiter og feriehus med god standard, og dei idylliske campingplassane har hytter i alle størrelsar og prisklassar. I høgfjellet finn du også eit stort tal DNT-hytter.

Kontakt turistkontoret på e-post info@sognefjord.no.