Hotell, vandrarheimer og fjellstover

For overnatting med frukost har du valet mellom hotell med internasjonal standard, vandrarheimar og fjellstover. Fleischer's Hotel ligg i Voss sentrum, er ope heile året og er ein del av "Dei historiske hotell". Park Hotel Vossevangen og Voss Vandrarheim ligg i Voss sentrum og er ope heile året. 

Sjølvhushald på Voss: hytter, feriehus og leilegheiter

Sjølvhushald er eit populært overnattingsval på Voss. Standard varierer i alt frå komfortable høgstandard hytter og leilegheiter som er fullt utstyrt med varmekablar på badet, tv og oppvaskmaskin til campinghytter som er meir sparsamt innreia og utan innlagt vatn. 

I tillegg varierer lokaliseringa av hyttene, i frå større hyttegrender, til klynger på eit gardstun eller eit hus meir tilfeldig plassert i flott natur.

Overnatting i skisenter

Voss har to skisenter som kan by på opplevingar og overnatting heile året. Det sentrumsnære skisenteret Voss Resort tilbyr overnatting i høgstandard hytter og leilegheiter, heile året. Velkomstsenteret ligg i Bavallen, 5 kilometer frå Voss sentrum. Voss Fjellandsby ligg i Myrkdalen 25 kilometer frå Voss sentrum. Her kan du bu i høgstandard hytter og leilegheiter eller i hotel heile året.

Gardsovernatting

På Voss er det mange gardseigarar som har bygd om fleire av gardshusa slik at dei no kan tilby overnatting til besøkande. Unikt med denne typen sjølvhushald, er det at bygningane ofte ligg som del av eit opprinneleg gardstun og ein kan oppleva at det er eit personleg preg over dekoren og innreiinga.

• Haugo Utleige har rom (med delt bad og kjøkken). Ligg cirka 1,5 kilometer frå Voss sentrum. Ope heile året.
• Eenstunet ferieleiligheter, ligg circa 6 kilometer frå Voss sentrum. Ope heile året.

• Stalheim Fjord og Fjellhytter har hytter på Stalheim, ca 35 kilometer frå Voss sentrum. Ope heile året.

Campingplassar

På campingplassane på Voss, så kan du bu i enkelt innreia hytter or i eigen bubil, campingvogn eller telt.

I Voss sentrum ligg Voss Camping. Ope heile året. I Myrkdalen 25 kilometer frå Voss sentrum ligg Myrkdalen Camping. Ope heile året.