Vegen til Geirangerfjorden og Trollstigen

Forslag til reiseruter, både for offentleg transport og for dei som nyttar privatbil.

Geirangerfjorden og Trollstigens hjemmeside

visitgeirangerfjorden.com

Med buss

Frå Oslo via Gudbrandsdalen og Strynefjellet
Møre-ekspressen (dagtid) og Nordfjordekspressen (kveld/natt) går via Gudbrandsdalen og over Strynefjellet til Stryn med vidare korrespondanse heile året til Hellesylt og Stranda (9-10 timar).

På sommaren (15.6 - 31.8) er det også busskorrespondanse til Geiranger (8,5 timar) via Geirangervegen på avgangen kl. 9.30 frå Oslo.

Frå Oslo via Gudbrandsdalen og Romsdalen
Dag- og nattekspressen går via Gudbrandsdalen og Romsdalen til Åndalsnes (8 timar) og Ålesund (10 timar). Frå Åndalsnes er det busskorrespondanse over Trollstigen til Valldal og Geiranger på sommarstid (15.8 - 31.8), eller via Ålesund eller Sjøholt på vinterstid.

Frå Trondheim via Surnadal og Molde
Mørelinjen går frå Trondheim via Surnadal, Molde og Ålesund med korrespondanse frå Sjøholt til Valldal (7,5 timar), Stranda og Geiranger.

Frå Trondheim via Dovrefjellet og Strynefjellet
Ekpressbussen Bergen – Trondheim går også daglege ruter frå Trondheim over Dovrefjell og Strynefjellet til Stryn med vidare korrespondanse til Hellesylt og Stranda heile året. På sommaren er det korrespondanse med ferje frå Hellesylt til Geiranger.

Frå Bergen via Førde og Stryn
Vestlandsbussen har fleire daglege avganger og køyrer om Oppedal, Førde, Olden, Stryn til Ålesund med korrespondanse frå Stryn til Hellesylt og Stranda (7,5 - 8 timar). Korrespondanse med ferje frå Hellesylt til Geiranger på sommaren.

Med tog

Nærmaste jernbanestasjon er Åndalsnes.

Frå Oslo og Trondheim
Det er daglege togavgangar frå Oslo (5,5 timar) og Trondheim (4-5 timar) til Åndalsnes med togbytte på Dombås for dei fleste avgangar. Frå Åndalsnes er det korrespondanse med buss til Ålesund eller Sjøholt året rundt, og over Trollstigen til Valldal og Geiranger på sommaren (15.6 - 31.8).

Med fly

Nærmaste flyplass er Ålesund lufthavn som blir trafikkert av SAS med daglege ruter til og frå dei største byane i Norge. Mellom flyplassen og Ålesund og Moa er det busskorrespondanse med alle flyavgangar og ankomstar.

Til Ålesund finst det direkte flyruter frå København (SAS), London/Gatwick (SAS) og Riga (Air Baltic). Om ein reiser frå andre land og byar, må ein først ta fly til ein av dei større byane i Norge, og så nasjonale flyruter vidare.

Med båt

Hurtigruten som dagleg trafikkerer langs Norgeskysten frå Bergen til Kirkenes, og Kirkenes til Bergen, har anløp i Ålesund heile året, samt anløp i Geiranger på nordgåande rute (frå Bergen) i tidsrommet 15. april - 14. september.

Med bil eller motorsykkel

Frå Oslo via Valderesflya (sommar) og Strynefjellet

Ca. 435 km (ca. 7,5 timar)

Følg E16 mot Hønefoss og Fagernes. Deretter fv. 51 over Valdresflya til Randen. Vidare fv. 15 til Lom og Grotli. Fortsett om lag 13 km vidare etter same vegen, og ta av til fv. 63 som fører ned til Geiranger (Geirangervegen).

Frå Oslo via Gudbrandsdalen og Strynefjellet

Sommar via Geirangervegen: ca. 440 km (ca. 7,5 timar)
Vinter til Hellesylt: ca. 520 km (ca. 8,5 timar)

Følg E6 via Hamar til Lillehammer, eller E4 via Gjøvik til Lillehammer. Fortsett etter E6 til Otta. Ta av ved Otta, følg veg nummer 15 til Grotli.

Sommar: Ta av til fv. 63, 13 km etter Grotli, og følg denne til Geiranger (Geirangervegen). Total distanse ca. 440 km (ca. 7,5 timar)

Vinter: Frå Grotli hald fram etter fv. 15 til Stryn. Der i frå fv. 60 til Hellesylt.

Frå Oslo via Gudbrandsdalen og Romsdalen

Sommar via Trollstigen til Valldal: ca. 483 km (ca. 8 timar)
Vinter via Sjøholt til Valldal: ca. 550 km (ca. 9 timar)

Følg E6 via Hamar til Lillehammer, eller E4 via Gjøvik til Lillehammer. Fortsett etter E6 til Dombås. Ta E136 over Lesja og ned Romsdalen.

Sommar: Ta av til fv. 63 omlag 5 km før Åndalsnes sentrum, ved Sogge bru. Fv. 63 fører deg til Trollstigen og Valldal.

Vinter: Fortsett etter E136 til Sjøholt. Ta av til fv. 650 via Stordal, Liabygda (ferje til Stranda- 10 min.), eller fortsett til Linge (ferje til Eidsdal 10 min). Fv. 63 tek deg vidare til Valldal eller Geiranger.

Frå Bergen via Førde og Stryn

Ca. 315 km (ca. 5,5 timar)

Følg E39 nordover til Sognefjorden (ferje Oppedal– Lavik, 20 min), fortsett vidare etter E39 til Førde og Byrkjelo. Ta av til fv. 60 til Stryn og Hellesylt. Totalt ca. 315 km, ca. 5,5 timar.

Sommar: Frå Stryn kan ein også følgje veg nr. 15 mot Grotli og ta av til fv. 63 om lag 13 km før Grotli. Følg fv. 63 til Geiranger. Totalt ca. 326 km

Frå Bergen via Voss, Lærdal og Stryn

Ca. 390 km (ca. 7 timar)

Følg E16 via Voss og Lærdal (ferje Fodnes - Manhellar, 15 min), vidare veg nr. 5 til Skei i Jølster. Der i frå E39 til Byrkjelo, ta av til fv. 60 til Stryn og følg fv. 60 vidare til Hellesylt. Totalt ca. 390 km, ca. 7 timar.

Sommar: Alternativ veg nr. 15 mot Grotli, og ta av til fv. 63, som fører til Geiranger, om lag 13 km før Grotli. Total ca. 420 km, ca. 7,5 timar.

Frå Trondheim via Nordmøre og Molde
Følg E6 ut av Trondheim, så E39 mot Orkanger og Halsa (ferje Halsa – Kanestraum, 20 min). Fortsett etter E39 til Molde (ferje Molde – Vestsnes, 35 min). Følg E39 vidare til Sjøholt.

Ta av til fv. 650 via Stordal, Liabygda (frå Liabygda mulegheit for ferje til Stranda, 10 min) og Linge til Valldal. Totalt 270 km + 2 ferjer, 5,5 time. Frå Linge er det ferje til Eidsdal (10 min). Der i frå følg fv. 63 til Geiranger (24 km).

Frå Trondheim via Dovrefjell og Romsdalen

Ca. 348 km (ca. 6 timar om sommaren)

Følg E6 frå Trondheim til Dombås. Ta av til E136 over Lesja og ned Romsdalen. Sommar: Ta av til fv. 63, 5 km før Åndalsnes sentrum ved Sogge bru. Fv. 63 fører til Trollstigen, og vidare til Valldal og Geiranger. Total distanse til Valldal 348 km, 6 timar.

Vinter: Hald fram på E136 til Sjøholt. Ta av til fv. 650 til Liabygda (mogleg med ferje til Stranda, 10 min) og vidare til Linge. Der i frå etter fv. 63 til Valldal, eller ferje til Eisdal (10 min) og Geiranger (24 km).