Vandring
I Nordfjord finn du over 230 turar i variert terreng. Velg mellom enkle turar, naturstiar og kulturstiar. Fjella i Nordfjord rager frå et par hundre meters høgde, til nesten to tusen meter over havet. Les meir om vandring i Stryn & Nordfjord.
Aktivitetar ved breen
Jostedalsbreen er den største breen på fastlandet i Europa. Ta ei brevandring på Bødalsbreen, og opplev den intense blåfargen til isen, og dei levande formasjonane i breen på nært hald. Du kan og prøve bresafari i raftingbåtar på innsjøen framfor Briksdalsbreen.
Jakt og fiske
For fiskeentusiastar er Nordfjord eit eldorado, Nordfjorden er "fjorden med dei sju elvane", og har lenge vore ein favoritt blant britiske fiskarar. Ulike fisketurar med båt er og tilgjengelege. Innsjø, elv, fjord eller hav – valet er ikkje lett!
Spa, helse og velvære
Hotel Alexandra, Selje Hotel og Nordfjord Hotel i Nordfjord har fantastiske symjefasilitetar, og kan tilby spa-behandlingar og thalasso-terapi. Spa betyr helse gjennom vatn og har gjennom fleire århundre betydd mineralrike vatn, varme dusjar og avslapning.
Båtturar
Ulike fiske- og sightseeingturar er tilgjengelege i Nordfjord, på innsjøar, fjorden og havet. Prøv RIB-rafting og segling på fjorden.
Aktivitetar i vatn
Havet, yrande elvar og rolege innsjøar er perfekte for ei rekkje aktivitetar. Velg mellom rafting, symjing, surfing, kanopadling, kajakkpadling og dykking
Fjordhesten
Fjordhesten er Nordfjords eigen hesterase, og fleire stadar i regionen kan rideentusiastar nyte det vakre, vestnorske landskapet frå hesteryggen. Velg mellom ridetimar, dagsturar og rideleirar.
Sykling
Du kan sykle på gamle, utrafikkerte vegar, eller på vegar som slynger seg oppover dalane. Du kan og delta på guida sykkelturar i fjella. Sykkelutleige er tilgjengeleg fleire stader.
Golf
Nordfjord har fire golfbaner. Forestill deg grøne grasbaner omringa av fossande elvar og ruvande fjell.
Buldring og klatring
Fleire stader i Nordfjord tilbyr klatring – enten i flotte klatreområde utandørs, buldring på store steinar i Oldedalen, eller innandørs i klatreveggar.
Utforsk kulturen
Nordfjord sin kulturarv, med folkemusikk, kunst- og handarbeidstradisjonar, er godt ivaretatt. Anders Svor Museet og Nordfjord Folkemuseum er blant stadene du kan oppleve kulturarven vår. På den berømte øya Selja, kan du lytte til den spennande historia om St. Sunniva, blant ruinane av klosteret. Og du kan følgje i fotspora til vikingane.
Gjennom året har vi fleire , som inneheld musikk og førestillingar av ulike typar, og fleire spennande aktivitetar.