Kvalitetsprodukt frå Nordfjord har noko å seie for kvardagsliva til folk over heile verda. I Nordfjord produseras mote- og fritidskle, kjøt- og fiskeprodukt, bussar, skip og handarbeid, møblar og skilt, konstruksjonsmateriale, frukt og grønsaker, og reise- og turistprodukt.

Motekle

Motekle frå Moods of Norway, Ricco Vero, klassiske dressar frå Frislid Konfeksjon, skjorter frå Skjortefabrikken Selje, og fritidskle frå Skogstad Sport. Dei er alle eksempel på velkjende produkt som er designa i Nordfjord. Besøk fabrikkutsala og gjer eit skikkeleg røvarkjøp!

Tradisjonelle produkt

Lokale handverkarar lagar kle, smykker og liknande med eige design. Det er og eit stort utval av tradisjonelt handarbeid i Nordfjord, til dømes treskjering, veving og strikking, og du kan og kjøpe kunst av høg kvalitet.

Opningstider
Opningstidene på butikkane i Nordfjord kan variere, men generelt har dei ope frå 9.00 til 16.30 på vekedagar (ofte langope torsdagar), og til 14.00 på laurdagar. Søndagar held dei aller fleste butikkar stengt. Matbutikkane er opne til 20.00 på vekedagar, og til 18.00 på laurdagar. Stengt søndagar.