Høge fjell og djupe fjordar

Stryn - Geiranger - Hellesylt - Hornindal - Stryn
Dette er den klassiske fjell- og fjordruta, og går gjennom Strynedalen, og opp til Strynefjellet. Turen kan kombinerast med den Gamle Strynefjellsvegen (Nasjonal Turistveg), til Grotli.

Hald fram på svingete vegar til Geiranger, der du kan nyte ein times ferjetur på den fantastiske Geirangerfjorden. Turen fortset gjennom Hornindal (rv. 60), og forbi Hornindalsvatnet – den djupaste innsjøen i Europa (514 m).

Nordfjord på langs

Stryn - Nordfjordeid - Selje – Vestkapp
Innerst i Nordfjorden er fjella høge, og fjelltoppane dekte av snø og brear. Utover fjorden opnar landskapet seg opp, medan du køyrer langs Hornindalsvatnet til Eid og ut mot kysten, der Vestkapplatået ønskjer deg velkommen med panoramautsikt over havet. Ei alternativ rute frå Stryn til Eid er Panoramavegen (rv. 613) langs Nordfjorden, der du får ei fantastisk utsikt over fjorden. 

Kystruta

Selje - Vågsøy
Start i Måløy. Køyr til Kråkenes fyr og besøk Refviksanden på veg tilbake til bygda Måløy. Køyr til Oppedal og besøk Vågsberget Handelsstad, og den berømte Kannesteinen. Fortset til bygda Selje, langs havet.

Ta båten ut til Selje Kloster (frå det tiande århundre). Opplev Vestkapp med den fantastiske panoramautsikta. Bad, surf eller spaser på kvite sandstrender i Hoddevik eller Ervik. Er vêret skikkeleg dårleg, kan du vere vitne til spesielle naturfenomen på både Vestkapp og Kråkenes.

Den historiske ruta

Sandane – Nordfjordeid - Selje
På Sandane i Gloppen kommune kan du besøke Nordfjord Folkemuseum, og lære korleis livet var for nordfjordingar i gamle dager. Ta ferja frå Anda til Lote, og fortsett til Nordfjordeid. Besøk gravplassar frå vikingtida, og dei mange gamle trehusa. Køyr til Selje, der du kan ta båt ut til Selje Kloster, og få høyre historia om St. Sunniva.

Opplev breane

Briksdalen – Oldedalen - Lodalen – Bødalen
I Nordfjord dekkjer dei glitrande breane deler av dei svingande dalane. Både Oldedalen og Lodalen er fantastiske dalar med grøne brevatn mellom dei høge fjella. Med sine 487 km2, er Jostedalsbreen den største breen på det europeiske fastlandet.

Dei mest berømte brearmane er Briksdalsbreen og Kjenndalsbreen. Du kan lære meir om landskapet og livet rundt breane på Jostedalsbreen Nasjonalparksenter.