Nøkkelfakta

• Arealet av Nordfjord; 4.295 km² 
• Innbyggjartal; 32.965
• Lengda av Nordfjorden er 110 km 
• Jostedalsbreen (487 km²), den største breen på europeisk fastland
• Vestkapp (486 m.o.h.), det vestlegaste utkikkspunktet på norsk fastland
• Hornindalsvatnet (514 meter djupt), den djupaste innsjøen i Noreg
• Skåla (1 848 m.o.h), det høgaste fjellet i Noreg som har foten i havet

Natur

Fjella stuper frå eit par tusen meters høgd, rett ned i fjorden og havet, og dannar fantastiske fossefall. Den innerste delen av Nordfjord har glitrande brear, svingande dalar, og den djupaste innsjøen i Europa – Hornindalsvatnet.

I midtre Nordfjord er fjorden breiare, klimaet er mildare og åsane rundare. Lenger ut mot kysten kan du fylle lungene med havluft. Du kan vandre på berg eller mjuke sandstrender. Vestkapplatået ligg ute i havgapet, og tronar over dei frykta farvatna i Stadhavet. Det fantastiske med Nordfjord, er at alt dette kan opplevast med ein radius på to timar.

Jostedalsbreen Nasjonalpark dekkjer et område på 1 310 km². Jostedalsbreen er den største på det europeiske fastlandet. Landskapet varierer frå flotte dalar, til bratte fjell og eit arktisk klima. Kjernen av nasjonalparken består av urørt natur, som berre kan opplevast til fots. På Jostedalsbreen Nasjonalparksenter kan du lære meir om naturen i og rundt nasjonalparken.

Historie og kultur

Det har budd folk i Nordfjord sidan steinalderen, og det er gjort mange spennande arkeologiske funn i området. Ved å besøke våre museum og besøkssenter, og andre historiske attraksjonar, til dømes Selje Kloster, kan du utforske historia i Nordfjord.

Kulturarven i Nordfjord, med folkemusikk, kunst- og handarbeidstradisjonar, er godt ivaretatt. Mat og tradisjonelle folkedrakter er og ein viktig del av kulturarven i Nordfjord.