Aktivitetar
Du kan padle eller segle, spela golf eller vandre til Kjerag, Preikestolen eller andre fine toppar. Elles kan du kose deg med å handle lokale matprodukt og husflid eller prøve laksefiske.
Eller kva med laksesafari der du flyter ned Suldalslågen i overlevingsdrakt, dukkarmaske og snorkel? Du kan ferdast i Ryfylkeheiane, sykle på Ryfylkeøyane, vere med på elveekspedisjon på flåte eller ta eit fjordcruise, til dømes på Lysefjorden.
Treng du ein lokal guide vil lokale turistkontor hjelpe deg. Ein fottur med Vandrarpresten vil du ikkje gløyma.
Guida kajakkturar er mogleg på Jørpeland og i Suldal, både i fjord, elv og vatn.
Ryfylke har spanande festivalar med lokal vri der du får oppleva Ryfylke sitt folkeliv: Trekkspillfestival i Sauda, Norsk Frukt- og Laksefest på Hjelmeland, Ryfylkedagane på Sand eller Strandadagene i Strand samt Krabbefestival på Lysefjorden Marina på Forsand.
I Sauda er det fleire populære sportstilstellingar om vinteren som Sauda Super G og Saudarennet. I Forsand er det motbakkeløpet Lysebotn Opp og Tripp Trapp Triathlon sommarstid. Sykkelritt til Sauda og i Hjelmeland er òg populært.
Museum og fornminne
I heile regionen er det ny arkitektur og fornminne frå mange periodar bakover i historia. Helleristningane på Solbakk i Strand syner med alle båtsymbola mellom anna kor viktig sjøen var for samfunna langs fjordane i tidlegare tider.
Ta dykk ei forhistorisk ”reise” i Forsand, som startar i bronsealderen (1800 f. Kr.) og går vidare til før-romersk jernalder og folkevandringstida (slutt rundt 600 e. Kr.) i Fortidslandsbyen Landa, ein plass for heile familien.
Ryfylkemuseet har fleire anlegg i regionen, til dømes Bygdetune Kolbeinstveit ved enden av Suldalsvatnet. Her finn du Guggedalsloftet med delar frå 1200-talet, som er den eldste ikkje-profane bygninga i Rogaland fylke. Kafe og omvisning i i sesongen. Husdyra er populære for ungane.
Ta ein tur med historiske Restauration rundt Ryfylkeøyane, ein kopi av sluppen som førde dei første utvandrarane over havet til Amerika i i1825.
På Sand er Høse gangbru ved Sandsfossen på plass. Brua er teikna av Rintala Eggertsson Arkitekter og står ferdig saman med ny tursti frå 2013. Friområdet ein del av Nasjonal turistveg Ryfylke.
Pittoreske trekyrkjer i Ryfylke-renessanse: her kan du vitje gamle Årdal kyrkje i raudt og kvite Jelsa kyrkje. På Ryfylkeøyane er det fleire vakre steinkyrkjer i romansk stil. Mølleparken på Tau frå 1859 har ope kvar sundag om sommaren, her kan du gå på loppemarknad, sjå kunst, rusle i den vakre Mølleparken og nyte heimebakst
I Allmannajuvet nær Sauda ved fv. 520 blir det utvikla heilt spesielle bygningar, teikna av den kjente sveitsiske arkitekten Peter Zumthor. Som del av Nasjonal turistveg Ryfylke blir bygningane oppført som eit opplevingssenter frå 2013 og utover. Gruvevegen langs det tronge elvegjelet imponerer frå start og heilt opp til gruveinngangen. Her er det guiding langs vegen og i gruva på bestilling.