Skinke og laks

I Ryfylke finn du utmerka røykelaks, marinert og grava laks, Suldalsskinke, fersk fisk og tradisjonelle bakverk som lefser og syrekaker. Fabrikkutsal for lakseprodukt finst i Hjelmeland.

Frukt og bær

Det milde fjordklimaet i Ryfylke er ideelt for dyrking av frukt og bær. Saftige og aromatiske jordbær kan koma i starten av juni, morellar og bjørnebær i august, medan det i september vil bugne av Ryfylke sine beste plommar, eple og pære.

Tradisjonelt handverk og husflid

På Ryfylkedagane på Sand, Strandadagane på Jørpeland og særleg på Norsk Frukt- og Laksefest på Hjelmeland, vil du finna mykje interessant å handla. Vakker treskjæring, tradisjonelle vovne teppe og løparar, handlaga glaskunst, "Jærstolar" og trebåtar er verdt eit studium. I Hjelmeland finn du verdas største Jærstol!

I Ryfylkebyen på Jørpeland finnes eit spekter av varer frå mat til leiker, sportsutstyr, samt fleire galleri og utstillingar med sal av lokalproduserte varer. På Sand ligg den gamle strandstad Sand intakt med gamle kvite trehus i tette klyngjer.