Båtturar på Sognefjorden

Dersom du verkeleg skal oppleva det Sognefjorden har å by på, bør du vera med på båttur på Sognefjorden, Nærøyfjorden (oppført på UNESCO si verdsarvliste) og Fjærlandsfjorden. Kjem du til oss vår og haust er dette ei spesielt vakker oppleving, med flotte fargar.

• Ferjereise på Nærøyfjorden/Sognefjorden
  Bilfjera mellom Gudvangen, Kaupanger og Lærdal har fleire daglege avgangar i perioden 1. mai til 30. september. På denne to-tre timar lange turen får du oppleva noko av det vakraste fjordlandskapet i verda.
• Båttur på Nærøyfjorden/Aurlandsfjorden
  Mellom Flåm, Aurland og Gudvangen går det dagleg passasjerbåt heile året. På denne turen får du oppleva både Nærøyfjorden og Aurlandsfjorden.
• Sogndal/Flåm - Bergen
  Heile året har moderne ekspressbåtar dagleg avgang frå Sogndal til Bergen. På turen er det anløp i Leikanger, Balestrand og Vik. Frå 1. mai til 30. september går det og dagleg ekspressbåt mellom Flåm og Bergen.
• Tur på Fjærlandsfjorden
  To timars vakker ferjetur til breen. Dagleg avgang kvar veg mellom Balestrand, Hella og Fjærland.

Fjellovergangane

Dei fleste vegane inn til Sognefjorden går gjennom vakre fjellomåde. Her kan du gå fotturar, klatra, fiska og nyta den imponerande utsikta!

• Sognefjellsvegen (RV 55)
  Nasjonal turistveg over Sognefjellet melllom Luster og Lom (høgste punkt 1 430 m.o.h). Her kjem du tett inn på den majestetiske naturen i Jotunheimen Nasjonalpark.
• Aurlandsfjellet (RV 243)
  Fjellvegen mellom Lærdal og Aurland vert kalla Snøvegen fordi det ligg snø langs vegen store deler av sommaren, men vegen er også kjend for fantastisk utsikt mot Aurlandsfjorden. Den 48 kilometer lange vegstrekninga når sitt høgste punkt på 1 306 m.o.h.
• Gaularfjellsvegen (RV13)
  Vakker høgfjellsrute frå Dragsvik (Balestrand) til Moskog (Førde) med mange fossar og elvar. Vegen er kjent for dei ni hårnålssvingane ned til Vetlefjorden.
• Tindevegen Årdal - Turtagrø
  Fjellvegen Øvre Årdal - Turtagrø knyter Årdal til Sognefjellsvegen. Langs denne ruta er det  storslått utsikt mot Jotunheimen.
• Vikafjellsvegen (RV 13)
  Vikafjellsvegen mellom Vik og Vinje/Voss går gjennom nydeleg fjellandskap og er eit godt utgangspunkt for fotturar.
• Filefjell
  E16 frå Lærdal til Valdres er ein moderne og sikker høgfjellsveg i historiske omgivnader.
• Hemsedal
  RV52 frå Lærdal via Hemsedal til Gol er eit raskt og godt alternativ.
• Årdal - Tyin
  RV 53 går frå Årdal til Tyin i vakkert høgfjellsterreng. Utsikt over Øvre Årdal.
• Aurlandsdalen
  RV50 går frå Aurland/ Aurlandsdalen til Hol. Flott utsiktspunkt i Låvisberget. Utgangspunkt for fotturar.