Mat og drikke på Voss

I sentrum finn du eit variert utval av restaurantar og kaféar, med ulike rettar på menyen. Spesielt for Voss er kanskje dei mange kaféane, med ei god blanding av norske og internasjonale rettar på menyen og særprega interiør.

I tillegg har du fleire pizzeria, kinarestaurant, grill & steakhouse og sjølvsagt dei meir eksklusive hotell restaurantantane.

Mattradisjonar og lokal matkultur

Vossameny BA er eit føretak som har som føremål å utvikla og vidareføra lokale matopplevingar og tradisjonar på Voss med mål om å allmenngjere desse for lokale innbyggjarar og tilreisande. Føl linken til heimesidene for å finne informasjon om mattradisjonar på Voss og oppskrifter.

"Ein smak av Voss"

For  eit måltid basert på lokale produkt, spør etter Vossameny hjå:

I Voss sentrum:

• Fleischer’s Hotel
• Park Hotel Vossevangen

Ut av Voss sentrum:

• Brandseth Fjellstove
• Engjaland Gard
• Sivle Gard
• Årestova - Voss Rafting Senter AS

Sal av lokalproduserte matvarer

For lokalproduserte matvarer så finn du produkt som vossakorv, fenalår og fårepølse i daglegvarebutikkane, men du kan òg prøve ein av dei følgjande butikkane:

• Evanger Spekjemat
  Ligg i Voss sentrum, Vangsgata 14.
• Mjølfjell Servicesenter
  Ligg på Mjølfjell, ca. 32 kilometer frå Voss sentrum.

Typiske vossaprodukt

Vossafår
Påleggspølse som kan kjøpast i matvarebutikkar i heile landet. Kanskje du har sett reklamefilmane på Denja.no?

Smalahove
På Voss vert det sagt at det har vore sau like lenge som det har vore vossingar og tradisjonen med smalahovemiddag står sterkt på Voss. Smalahove var frå gamalt av rekna som kvardagskost, medan i seinare år så har smalahovemiddagen spesielt vore nytta ved festlege samankomstar.

Kvar haust vert "Smalahovesleppet" arrangert på Voss, som er ei uhøgtidleg feiring av smalahovetradisjonane på Voss.

Spekjemat frå Voss
Dei to lokale produsentane Eldhus AS på Evanger og Voss Kjøttindustri AS har ei rekkje produkt som kan kjøpast i matvarebutikkar på Voss og andre stader.