Du har mange alternativ om du vil utforske Vossaområdet. Har du eigen bil er det fleire dalføre og område som inviterer til oppdagingsferd. Ynskjer du å lata bilen stå, kan du bli med på ein av dei mange arrangerte rundturane som inviterer til ulike aktivitetsnivå.

Norge i et nøtteskall®

• Voss – Gudvangen – Flåm – Myrdal – Voss
• Type: Arrangerte rundturar
• Reisetid: Dagstur

Dette er ein verdskjend rundtur som går gjennom noko av det vakraste landskapet på Vestlandet. Her får du med deg ein tur med den velkjende Flåmsbana, eit cruise i Nærøyfjorden og busstur gjennom vakre Nærøydalen via Stalheimskleiva til Voss. Nærøyfjorden og Nærøydalen fekk i 2005 verdsarvstatus. Rundturen kan gjerast begge reiseretningar og går heile året.

Reisefakta

• Organisering av turen: Du følgjer reiseruta på eiga hand etter samansatte rutetabellar som gjev rom for at du sjølv veljer kor god tid du vil ta deg. Om du har spørsmål i løpet av rundturen, kan du henvende deg tilsette på bussen, båten eller toget. I Flåm så finn du òg ein turistinformasjon.
• Kjøp billett: Billettar kan kjøpast på førehand eller reisedagen ved Voss Turistinformasjon eller Voss stasjon når du kjem til Voss.

Norway Active

• Voss – Myrdal – Flåm – Gudvangen – Voss
• Type: Arrangerte rundturar
• Reisetid: Dagstur

Norway Active tilbyr rundturar for aktive menneske. Du kan oppleve dette området frå sykkel og med ribbåt på fjorden. I tillegg har du mulighet for å inkludere rafting på Voss som ein del av turen. Du kan velje mellom fire ulike variantar:

• Basic Tour (sidane er på engelsk)
• Standard Tour (sidane er på engelsk)
• Standard Extra Tour (sidane er på engelsk)
• Full Package (sidane er på engelsk)

Merk: Det er òg mulig å vere med på desse turane med start frå Bergen.

Heritage Adventures

Heritage Adventures tilbyr guida rundturar i Nærøyfjorden verdsarvområde. Her vil då få eit nært møte med naturen, kulturen og menneska som er med på å gje området særpreg.