Øygarden med sine 550 øyer, holmar og skjær har et vakkert natur- og kulturlandskap. Du kan oppleve Øygarden på eiga hand, med buss frå Bergen og båt frå Hellesøy i nord. Nyt utsikta frå bussen på vegen over øyer og bruer, eller hopp av bussen og ta ein tur i Nordsjøløypa, fleire merkte turløyper både i Fjell og Øygarden. Når du dreg Øygarden på langs, er det fleire stader det kan vere verdt å besøkje.

Klyva
På Torsvik, om lag 30 minutt frå Bergen sentrum, kan Klyva aktivitetspark og villmarksleir tilby spennande aktivitetar for heile familien.

Kystmuseet & Øygarden Visningssenteret
Vel 10 minutt vidare mot nord, finn du Kystmuseet ved den vakre Ovågen. Her får du eit innblikk i kystkulturen, og ulike former for ressursutnytting gjennom dei siste 10 000 åra. I kafeen kan du nyte utsikta, ein kopp kaffi, nysteikte lappar eller ein saftig lakserull. Du kan òg leige robåt eller syklar. Berre ein kort båttur frå kaia kan du lære om havbruksnæringa på nært hald. Øygarden visingssenteret kan saman med Kystmuseet gi omvising, demonstrasjonar og informasjon om utviklinga av norsk og lokal havbruksnæring.

Adnestova
På Nordre Sæle ligg Adnestova, ei 300 år gammal stove frå eit klyngetun. Her får du høyre historier om livsvilkåra til fiskarbonden og fellesskapet i tunet gjennom hundreåra. Rundt Adnestova er det ein kysthage med urter, lyng, rododendron og andre plantar som kan blomstre året rundt. Hagen er open for publikum.

Hellesøy
Ein time og 17 bruer frå Bergen sentrum er du på Hellesøy, siste stoppet på bussturen, og eit ferieparadis for båtfolk, bussturistar, syklistar og folk på dagstur. Her kan Destination Hellesøy by på innkvartering i rorbu eller leilegheiter. Gjestehuset har mat frå eit internasjonalt kjøkken, og er saman med Butikken på Hellesøy ein naturleg samlingsstad for innbyggjarane og dei som besøkjer nordre Øygarden.

Lyngøy, Hernar, Sanden og Nordøysund
Ein kort båttur nord for Hellesøy finn du dei idylliske øyane Lyngøy, Hernar, Sanden og Nordøysund. Du kan velje å ta ein rundtur med båten, eller ”øyhoppe”. På desse øyane nord for Hellesøy er det berre på Hernar det er fastbuande (tolv innbyggjarar). Landhandelen her held ope etter rutetidene, og dei som kjem med båten får gjerne ein kopp kaffi når dei er innom. Hernar har vore eit knutepunkt for ferdsla til Vesterhavsøyane sidan norrøn tid og ein viktig handels- og gjestgivarstad dei siste hundreåra. Engasjerte folk frå Øygarden formidlar gjerne frå saga-øya Hernar. Ta kontakt med Kystmuseet for å gjere avtale om historieformidling.

FINN FRAM
Rutebussen (470-479) går frå busstasjonen i Bergen (perrong 11-12) eller frå Olav Kyrresgate (ved Peppe’s). Om du kjøper bussbillett til Hellesøy, kan du gå av bussen, besøkje Kystmuseet, og ta bussen vidare til Hellesøy same dag. Nedanfor har vi sett opp forslag til tre rundturar med utgangspunkt i buss frå Bergen og båt frå Hellesøy (mai-august). For andre tidspunkt, sjå www.tide.no og www.bnr.no. Kystmuseet har stengt på laurdagar.


Rundtur 1: Bergen - Kystmuseet - Hernar - Bergen

Kvardagar
10.08 Avgang busstasjonen (perrong 11-12)
11.20 Framkomst Kystmuseet
13.20 Avgang Kystmuseet
13.45 Framkomst Hellesøy
15.05*/15.50 Avgang Hellesøy med båt
15.20/16.05 Framkomst Hernar. Returen må avtalast!
16.45/17.20 Avgang Hernar (17.20 må avtalast)
17.05/17.40 Framkomst Hellesøy
17.10/18.10 Avgang Hellesøy med buss
18.50/19.55 Framkomst Bergen
*gjeld ons,tors,fre


Rundtur 2: Bergen - Hernar – Bergen

Kvardagar Laurdagar Søndagar
14.13 08.08 12.08 Avgang busstasjonen (perrong 11-12)
15.45 09.45 13.45 Framkomst Hellesøy
15.05*/15.50 09.50 13.45 Avgang Hellesøy med båt
15.20/16.05 10.05 14.00 Framkomst Hernar. Returen må avtalast!
16.45/17.20 16.40 16.50 Avgang Hernar (17.20 må avtalast)
17.05/17.40 17.00 17.10 Framkomst Hellesøy
17.10/18.10 19.40 17.10 Avgang Hellesøy med buss
18.50/19.55 21.25 18.55 Framkomst Bergen (Vestre Strømkai)
*gjeld ons,tors,fre

Rundtur 3: Bergen - Kystmuseet – Bergen

Kvardagar Søndagar
10.08 12.08 Avgang busstasjonen (perrong 11-12)
11.20 13.20 Framkomst Kystmuseet
14.30 17.30 Avgang Kystmuseet
15.50 18.55 Framkomst Bergen (Vestre Strømkai)