Sauda i Ryfylke, med sine ca 4700 innbyggjarar,  ligg innst i den allsidige Ryfylkeregionen. Sauda har bystatus og er med dette handels-,  skule-  og servicestad for indre Ryfylke.

Funn visar at Sauda har vore busett sidan vikingtida og middelalderen, med sal og eksport av tømmer som ein viktig del av utviklinga av lokalsamfunnet fram mot 1700-talet. Deretter følgde ein periode med gruvedrift på 1800-talet før industrialiseringa i byrjinga av 1900-talet skapte bysamfunnet som me finn i Sauda i dag.

Næringslivet i Sauda idag er i hovudsak fordelt på tre hovudområde; metallurgisk produksjon, kraftproduksjon og produksjon av trevirke og glas.

I Sauda finn me ein unik nærheit mellom fjord og fjell. Og med sitt typiske innlandsklima gjev dette muligheiter for aktivitet både sommar og vinter, og er eit eldorado for den friluftsinteresserte.

Fyrtårnet innan aktivitet er Sauda Skisenter som ligg i Svandalen,  15 minutt køyring frå sentrum. Snø sikkert frå nyttår til påske. Men det ligg også til rette for flotte opplevingar innan jakt, fiske og turar i fjell og mark – følg gjerne ei av dei merka turløypene!  

Sauda har kompakt sentrum med isfrie fortau vinterstid. Sentrum har eit godt utval av butikkar og spisestader innanfor kort avstand. Historiske Åbøbyen ligg eit steinkast unna og er verdt ein rusletur, gjerne med guide sommarstid. Åbøbyen er eit unikt arkitektteikna bustadområde som blei bygd til arbeidarar og funksjonærar ved Sauda Smelteverk. Det hyggelege trehusområdet består av ca 120 hus som blei reist i ein periode på 60 år, det første i 1916. Industriarbeidarmuseet er i eit av husa.

Saudadagane, som årleg bler arrangert siste helga i mai, er eit arrangement som har utvikla seg stort dei siste åra. Mykje aktivitet i sentrum, sykkelrittet Haugesund – Sauda,  gode tilbod og kjende namn på plakaten!

360 grader Sauda 

Velkommen til Sauda!